Formakuntza – Berrikuntza-proiektuetan inbertitzeko erabakia 

Prestatzailea

Iñaki Muñoyerro, Taladros Especiales SL enpresako zuzendari nagusia. 

20 urtetik gorako esperientzia du enpresa-lidergoan, kudeaketa estrategikoan eta industria- eta segurtasun-sektoreetako negozio-garapenean. Gaur egun, Taladrados Especiales SLko zuzendari nagusia da, eta, lehenago, NUEVA SIBOL SLkoa. Gainera, zuzendaritza-rolak bete zituen MSAn eta Guardian Industries-en. Enpresa-kudeatzaile gisa, enpresa-eraldaketa kulturaleko, digitalizazioko eta nazioartekotzeko prozesuen buru izan da, eta negoziazioa, lidergoa eta krisi-kudeaketa negozio-ereduak eraldatzeko ikuspegi estrategiko sendoarekin uztartu ditu. 

Aditu gisa, 2024az geroztik, ELKARGIren prestatzaile laguntzaileen taldeko kide da. 

Ikaskuntza-helburuak

Prestakuntza-ekintza honen ikaskuntza-helburuak bertaratuei honako erronka hauei erantzuteko irizpideak eta tresnak ematea dira: 

• Epe luzerako inbertsioetan erabakiak hartzeko metodologiak eta irizpideak ezartzea, bereziki berrikuntza-proiektuetan. 

• Ageriko alderdiak ez ezik, azken emaitzan eragina izan dezaketen beste funtsezko faktore batzuk ere kontuan hartzea, hala nola, inbertsioaren kostua eta kalkulatutako aurrezkiak edo espero diren errentagarritasun-igoerak. Besteak beste, inbertsioa abiaraztearekin lotutako kostuak, erakundea egokitzeko gastuak eta kapital zirkulatzailearen beharrezko gehikuntza (finantzatu beharrekoa). 

• Arrakasta-arriskua funtsezko elementu gisa: berrikuntzako inbertsioek bideragarritasun ekonomikoan, teknologikoan eta espero den itzuleran sortzen duten ziurgabetasuna kudeatuz. 

Ikaskuntzaren edukiak

1. Inbertsioa aztertzeko metodologia

• Egituratu informazioa lortzeko eta kutxa-fluxuak kuantifikatzeko sistemak, inbertsio-proiektuen errentagarritasuna zehazteko. 

• Identifikatu etorkizuneko fluxuak eguneratzeko prozeduretan aplikatu beharreko kapital-kostua zehazteko irizpideak eta arazo motak. 

• Ezarri proiektuak baloratzeko metodoak eta horietako bakoitzak zer ekarpen egin dezakeen identifikatu. VAN, ROI/TIR, PAY BACK metodoak 

2. Inbertsio bat erabakitzeko benetako aplikagarritasuna

• Nola aztertu aukerak inbertsioa errentagarria ez denean. 

• Erabakiak hartzeko faktore estrategiko erabakigarriak zehaztu. Ikuspegi teknikoa vs finantzarioa. 

• Ziurgabetasun-inguruneetan erabakiak hartzeko gomendioak. 

Nori zuzendua

• Esklusiboki Zuzendaritzako kargudunentzat, Administrazio eta Ekonomia eta Finantza arloetako arduradunentzat eta industria-enpresa txiki eta ertainen eta horiei lotutako zerbitzuen berrikuntzara bideratutako proiektuen arduradunentzat. 

* Gehienez bi pertsona enpresa bakoitzeko.