Formakuntza – Horizonte Europako Lump Sum modalitaterako sarrera 

Prestatzailea

Javier Medina Antón. Qi EUROPEko CEO-a. 

Ekonomialaria, finantzetako espezialitatea. Negozio Energetikoetako eta PDGko Masterra, IESE Business School-en. Madrilgo Ekonomisten Elkargo Ofizialeko kidea, Madrilgo Erkidegoko enpresa-mentore eta aholkulari ziurtatua eta Europako Batzordeko Women Leadership programako mentorea. 1995 urtetik geroztik, bere lanbide karrera garatu du negozio-eredu berrien diseinu eta garapen estrategikoan (balio-proposamena, kapitalaren modelizazioa eta optimizazioa, prezioak, errentagarritasunak eta kostuak, seed & startup kapitala, private equity, venture capital, lehiakortasuna eta produktibitatea), teknologia transferitzeko eragiketak eta I+G+b proiektuak (teknologien brokerra, inbertsioen finantzaketa eta analisia, DFC eta Venture Capital Method balorazioa, egituraketa, negoziazioa eta salmenta/aliantzak), bai eta I+G+b proiektuak idatzi, kudeatu eta justifikatzea ere, eta negozio berriak garatzea (merkatua erakartzea, dibertsifikatzea, hazkundea eta nazioartekotzea) ingurune digital/teknologiko/industrialetan, berrikuntzan eta produktu eta zerbitzu teknologiko berrien garapenean erantzukizun zuzena dutenetan. 

Ikaskuntza-helburuak

• Lump Sum finantzaketa-moduarekin lan egiten hasteko lehen urratsak eta aurrekontua ezartzeko xehetasunak ezagutzea. 

• Lump Sum bidezko proposamen bat prestatzeko funtsezko ezaugarriak, ebaluazioa eta dirulaguntzen kudeaketa ezagutzea. 

• Finantzaketa-modu hau definitzen eta justifikatzen ikastea, kostuen zenbatespenak emanez proiektuaren kudeaketan. 

Ikaskuntzaren edukiak

1. Zergatik erabiltzen da Horizonte Europan Lump Sum finantzazio-modua? 
2. Nola funtzionatzen du finantzazio-modu honek eta proposamen bat idazteko kontuan hartu beharreko xehetasunak. 
3. Nola lortu administrazio- eta finantza-akatsak murriztea Lump Sum finantziazio-moduaren bidez. 
4. Zergatik lor daitezke programetan sartzeko erraztasunak Lump Sum bidez, batez ere erakunde txikienentzako -sarritan ez baitute esperientziarik eta gaitasunik kostuei buruzko arau konplexuei aurre egiteko-. 

Nori zuzendua

Euskal enpresentzat eta Zientzia, Teknologia eta Berrikuntzaren Euskal Sistemako eragileentzat soilik: 

• Horizonte Europarako I+G+b-ko proiektu europarrak prestatzeko beharra edo interesa dutenentzat (zehazki, Lump Sum modalitateko topic-ak dituztenentzat). 

• Horizonte Europako programetan I+G+b proiektuak aurkezten, prestatzen eta kudeatzen esperientzia dutenentzat. 

* Gehienez bi pertsona erakunde bakoitzeko.