Formakuntza – Nola bihurtu errentagarri talentua. Galerari aurre-hartzea: adinaren kudeaketa

Prestatzailea

Manu Olano. CIDEC-Innovación y Desarrollo Social erakundeko zuzendaria. Ikerpartnerseko bazkidea.

Enpresei laguntzen diet antolaketa-kultura, ezagutzaren kudeaketa eta zeharkako gaitasunak sendotzen dituzten estrategiak sortzen. Esperientzia dut adinak kudeatzeko eta belaunaldien arteko ezagutza transferitzeko prozesuak eta tresnak diseinatzen, eta enpresetan zahartzearen arazoari eta talentu berriaren beharrari erantzunak ematen. 30 urtetik gorako eskarmentua tokiko, autonomia-erkidegoko, estatuko eta nazioarteko ikerketa-, aholkularitza- eta ebaluazio-proiektuetan (Mexiko, Argentina, Honduras, Peru, Txile, Kuba, etab.), Munduko Bankuarentzat eta BIDarentzat.
Soziologoa (Deustuko Unibertsitatea). Pertsonen Kudeaketako graduondokoa (Deustuko Merkataritza Unibertsitatea).
“Gipuzkoako enpresetan adinaren kudeaketa indartzeko eta ebaluatzeko orientabideak. Enpresentzako gida. Gipuzkoako Foru Aldundia”; “Euskadiko erakundeetan adina kudeatzeko gida. Innobasque”; “Ezagutzaren kultura eraikiz pertsonengan eta erakundeetan. CIDEC Lan Koadernoa”.

Ikaskuntza-helburuak

Hauek dira prestakuntza-ekintza honen ikaskuntza-helburuak:

• Negozioak lehiakortasuna gal ez dezan, adina kudeatzearen eta belaunaldien arteko ezagutzaren transferentziaren garrantziaz ohartzea.
• Enpresan adinaren kudeaketarekin lotutako funtsezko elementuen ezagutza- eta ezarpen-maila diagnostikatzea.
• Nire enpresa adinaren kudeaketan eta belaunaldien arteko ezagutzaren transferentzian nola kokatzen den jakiteko tresnak erabiltzea.

Erantzunak eta irtenbideak eskaintzea gure lan-taldeen zahartzearen erronkari aurre egiteko eta aldaketaren buru izateko.

Ikaskuntzaren edukiak

• Zergatik kudeatu behar da adina enpresan. Iraunkortasunean duen eragina.
• Enpresaren “tenperatura demografikoa” neurtu: zein da zahartze-maila? Zenbat belaunaldi bizi dira elkarrekin enpresan?
• Prest zaude zure langileen zahartzeari aurre egiteko?
• Adinaren kudeaketan eragina duten elementuak
• Enpresak adinaren kudeaketarekin duen konpromisoari buruzko oinarrizko autodiagnostikoa.
• Non kokatzen gara: hausnarketarako ariketa laburra.
• Zer egoera bizi dituzte ETEek langileen zahartzearekin lotuta?
• Ohiko arazoak (programatutako eta programatu gabeko langileen alde egiteak, postu kritikoak, ezagutza galtzea, ezagutza trukatzeko espaziorik eza, know-howaren sistematizaziorik eza, talentua erakartzea eta fidelizatzea…)
• Eta gai hauek ETEetatik jorratzeko zailtasunak.
• Nola gida dezakegu aldaketa? Adinaren eta ezagutzaren kudeaketa eraldatzeko eta bultzatzeko estrategiak eta irtenbideak. Aurrea hartzeko moduak.

Nori zuzendua

• Diseinuaren tresna berrikuntza-estrategian sartzeko beharra edo interesa duten 10 langiletik gorako ETEentzat bakarrik, erabiltzaileak eta ingurumen-jasangarritasuna ardatz dituzten produktu eta zerbitzu berriak garatzeko.
• Gerentziak, berrikuntza-arduradunak, produktu-burua.

* Gehienez bi pertsona enpresa bakoitzeko.