Formakuntza – Gobernantza eta finantza-eraginkortasuna, enpresa-berrikuntza bultzatzeko.

Prestatzailea

Zenón Vázquez. Elkargiko zuzendari nagusia.

EAZ-n lizentziatu zen Deustuko Unibertsitatean, Kingston-London-en Finantzetan espezializatuta, eta Enpresen Goi Zuzendaritzako PADE-Programa ere burutu du IESEn. Ibilbide oparoa du finantza- eta enpresa-munduan, bai estatuan, bai nazioartean. Zehazki, 2014tik arrakastaz bete du bere lan profesionala, CIE-Automotive kotizatuaren finantza-arduradun gisa (CFO). Urteotan metatutako finantza-ingurunearen sakoneko ezagutza izateaz gain, finantza-sektoreko konpainietan, kudeaketaren kontrolean eta kontu-ikuskaritzan eskarmentua du. 2019ko apiriletik Elkargiko zuzendari nagusia da.

Mikel Alberdi Arambarri. Elkargiko familia-enpresako arduraduna.

Zuzenbidean lizentziatua EHUn, enpresen aholkularitza juridikoan masterra IE Business Schoolen, MBA-European Management Programme Deustuko Unibertsitatean, Audencia E.S.Cn, Bradford School of Management-en. Elkargiko familia enpresako arduraduna, merkataritza, zerga eta familia-enpresan aditua: familia-protokoloak egitea eta ezartzea. Bere ibilbide profesionala hainbat abokatu-bulegotan garatu du.

Susana Cámara. Elkargiko finantza-kudeatzailea.

18 urte baino gehiagoko esperientzia du Elkargin, eta ibilbide sendoa du banku-arriskuaren analisiaren esparruan, eta proiektu berritzaileetarako finantzaketa-eragiketen ebaluazioan espezialista gisa nabarmentzen da. Gainera, 64 bis artikuluak Elkargiren Arabako bulegoan gaitutako irtenbide fiskalari eta finantzarioari lotutako eragiketak administratzen ditu. Irtenbide horri esker, proiektu berritzaileak dituzten enpresek likidezia lor dezakete, emaitza positiboak dituzten enpresa finkatuek emandako finantzaketaren bidez. Ondorioz, azken horiek nabarmen optimizatzen dituzte I+G+b jarduerengatiko kenkari fiskalak.

Ikaskuntza-helburuak

• Enpresako berrikuntza-proiektuen finantzaketari ekitea, enpresa txiki eta ertainei begira, batez ere enpresa txikiei begira.
• Errentagarritasuna maximizatzeko eta finantza-baliabideak askatzeko gakoak izatea, proiektuei ekiteko.
• Proiektu berriei ekiteko finantza-baliabide propioak identifikatzea.
• Zure enpresan erabakiak hartzea errazten duten eta negozioaren jarraitutasunean laguntzen duten tresnak ezagutzea.

Ikaskuntzaren edukiak

• Erronka nagusiak egungo kudeaketa ekonomiko-finantzarioan, Elkargiko Zenón Vázquez Directo General-en eskutik.
• Negozioaren jarraipena ziurtatzeko gobernantza-tresnak.
  • Familia-protokoloa edo bazkideen ituna familia-enpresetan edo hainbat bazkidek sortutako enpresetan gobernantza arautzen duten bi tresna dira, eta, beraz, jabetzako ondorengotza-prozesua antolatzen dute, negozioak alderdi horretan jarraituko duela bermatuz.
  • Enpresan erabakiak lasaiago hartzen laguntzen dute, berrikuntza hobeto txertatzeko.
• Negozioaren errentagarritasuna maximizatzeko, finantza-baliabideak askatzeko eta berrikuntza-proiektuetara bideratzeko gakoak.
  • Negozio errentagarria: merkataritza-eskaintza errentagarri eta erakargarriak.
  • Zirkulatzailea: hornitzaileak, bezeroak, stockak eta diruzaintza.
  • Finantzaketa: egitura optimoa eta finantza-erakundeak.

Nori zuzendua

• 10 langile baino gehiagoko ETEentzat soilik:
• enpresaren barruan berrikuntza-proiektuak finantzatzeko gako nagusiak ezagutzeko beharrarekin edo interesarekin.
• berariazko kezka eta beharrarekin, negozio-plan sendo bat eraikitzeko eta bere berrikuntza-proiektuetarako finantzaketa-aukerarik egokiena zein den identifikatu eta erabakitzeko.
• Gerentziak, ekonomia- eta finantza-arduradunak, berrikuntza-arduradunak.

* Gehienez bi pertsona enpresa bakoitzeko.