Euskadin, 100.000 langilek baino gehiagok erretiroa hartuko dute datozen bost urteetan, enpresa askotan funtsezko lanpostuen jarraipena arriskuan jarriz.
Eusko Jaurlaritzaren Euskal Enplegu Zerbitzuak (Lanbide), Berrikuntzaren Euskal Agentziaren (Innobasque) laguntzarekin, Lan Mentoring doako aholkularitza- eta laguntza-zerbitzua jarri du euskal ETEen zerbitzura, langileen belaunaldi-erreleboa errazteko diseinatua.
Lan Mentoringek 8.000 euroko balioa du, eta 10 eta 249 langile arteko enpresentzat da, batez ere industria-sektorekoentzat, industriari lotutako zerbitzuentzat, informazioaren eta komunikazioen gizartekoentzat, logistikakoentzat eta handizkako merkataritzakoentzat. Enpresa bakoitzaren ezagutza estrategikoa zaintzea du helburu, lehiakortasuna eta epe luzerako hazkundea bermatuz.
Lan Mentoring edozein lanpostutan ezagutzaren transmisioa bermatzeko diseinatuta dago, errelebo zailenekoak barne. Enpresa bakoitzaren behar espezifikoetara erabat molda daiteke, eta zerbitzua denbora eta inguruabar partikularretara egokitzen da.
Eginez ikasi
Ikuspegi erabat praktikoarekin, inskripzio erraz eta azkarra eskaintzen du, eta, ondoren, 50 orduko laguntza, non “eginez ikastea” lehenesten den. Lan Mentoringen konpromisoetako bat da diagnostikoan zehar zerbitzua emateko denboran zehazten diren ildo estrategikoetako bat, gutxienez, praktikan jartzea. Helburua ez da soilik erreleboaren kudeaketarekin lotutako behar puntualak konpontzea, baita ETEei etorkizuneko belaunaldien erreleboei modu autonomoan aurre egin ahal izateko ezagutzak eta tresnak ematea ere.
Gainera, enpresa txiki eta ertainen jarduera ez gelditzeko sortu da, ez erretiroengatik, ez zerbitzua bera ezartzeagatik; Lan Mentoring enpresaren eguneroko jardunean integratzen da, etenik eragin gabe.
Lan Mentoringean izena emateko aukera urte osoan zehar zabalik dagoen arren, plazak mugatuak dira, eta, beraz, interesa duten ETEei lehenbailehen izena ematea gomendatzen zaie.
Zerbitzuari edo aholkularitza pertsonalizatuari buruzko informazio gehiago behar baduzu, utzi hemen zure datuak eta Innobasque Berrikuntzaren Euskal Agentziatik jarriko gara zurekin harremanetan.
