Deustuko Unibertsitateko Ingeniaritza Fakultateak deitutako Emakume Teknologoarentzako Ada Byron saria Patricia Horcajada Cortés madrildarrak jaso du senior kategorian, eta Alba González Álvarez burgoskoa 35 urtetik beherakoen kategorian.
Manuel Salaverria Berrikuntzaren Euskal Agentziako presidenteak parte hartzen du sari honen XI. edizioan, eta Innobasquek errekorra hautsi du, 178 hautagaitza aurkeztu baitira. Sari hori erreferente nazionala bihurtu da, eta zientziaren, teknologiaren eta ingeniaritzaren arloetan emakumeek egiten duten lana erakusten du. Aldi berean, emakumeen artean I+G arloko bokazioak sustatzea du helburu.
Patricia Horcajada Cortés, IMDEA Energiako Material Poroso Aurreratuen Unitateko arduraduna, zientzialari nabarmena da Materialen Zientziaren arloan. Bere jarduera, diziplina anitzekoa, material porotsu berrien diseinuan eta sintesian oinarritzen da, eremu estrategikoetan aplikatzeko. Aitzindaria izan da MOF motako egiturak botiken askapenean, ahozko desintoxikazioan edo nekazaritzan aplikatuz. Lankidetza-sare zabal batekin, 70 MOF egitura berri baino gehiago garatu ditu eta nazioarteko ikertzaile ezaguna da.
Bestalde, sari gaztearen irabazlea, Alba González Álvarez, Ingeniaritza Biomedikoan doktorea da eta Xcure Surgical sortu zuen. Start up bat da, eta inplante pertsonalizatuak eta neurrira egindako instrumentazio kirurgikoa garatzen ditu giza gorputzaren hezur berreraikuntza konplexuak behar dituzten pazienteentzat. Hamarkada bat baino gehiagoko esperientzia akademikoa, industriala eta ospitalekoa du osasun-produktuaren I+G+Bn, eta aitzindaria da ospitale-ingurunean 3D teknologia klinikoki ezartzen kasu kliniko konplexuak dituzten pazienteentzat.
Emakume Teknologoarentzako Ada Byron saria duela hamaika urte sortu zuen Deustuko Unibertsitateko Ingeniaritza Fakultateak Espainian. Bizkaiko Foru Aldundiaren, Emakunderen – Emakumearen Euskal Erakundea, Danobatgroupen, Innobasqueren eta Innolaben babesa du.
Espainiako edizioaz gain, Deustuko Unibertsitateko Ingeniaritza Fakultateak beste bost sari ditu Amerikako bost herrialdetan: Mexikon, Argentinan, Uruguain, Kolonbian eta Txilen. Eta Brasilera zabaltzeko lanean ari da.
Ikerketa eta garapen teknologikoaren arloan bokazioak sustatzeko, Fakultate honek urriaren 16tik 18ra Forotech, Ingeniaritza eta Teknologiaren astea ere ospatuko du, Bilboko eta Donostiako Campusetan.
