Mobile World Capital Barcelonak, teknologiaren erabilera humanistaren bidez gizartearen garapen digitala sustatzen duen fundazioak, MWCapital Awards sariak iragarri ditu, trantsizio digital jasangarria sustatzen duten proiektu berritzaileak aintzatesteko eta saritzeko diseinatutako nazioarteko sariak.
Ekimenak GSMA Foundryren eta B Lab Spainen babesa du, eta Nazio Batuen 2030 Agendaren Garapen Jasangarrirako Helburuei (GJH) laguntzen dieten ahaleginak nabarmendu nahi ditu.
MWCapital Awards sarietan parte hartzea doakoa da, eta hautagaitzak web bidez jasotzea martxoaren 18ra arte egongo da zabalik, bost kategorietako edozeinetarako, erakunde motaren arabera banatuta. Honako hauek dira: enpresak; ETEak eta startupak; irabazi asmorik gabeko erakundeak eta helburu duten sozietateak (SBIC); akademia eta ikerketa-zentroak eta erakunde publikoak.
Gainera, epaimahaiak seigarren sari bat emango du, Barcelona Horizon Award, Bartzelonako ekosistema digitalean jasangarritasunari laguntzeko ahalmen handiena duen proiektuari.
Kategoria bakoitzeko irabazleek, sariak banatzeko ekainaren 19rako aurreikusitako galan beren proiektuak aurkezteaz gain, MWC26an (Mobile World Capital 2026) eta MWCapitalek antolatutako beste ekitaldi batzuetan parte hartuko dute. Bartzelonan inpaktu potentzial handiena duen proiektuak 50.000 eurorainoko sari ekonomikoa jasoko du inplementatzeko.
Finalista gisa hautatutako proiektuek, kategoria bakoitzeko hiruk, aitorpen publikoa jasoko dute, eta B Lab-ek emandako inpaktua neurtzen espezializatutako tailerretan parte hartuko dute. Tailer horiek funtsezko arloak hartzen dituzte, hala nola gobernu ona, gizarte eta ingurumen inpaktua.
Izen-emateari buruzko informazio guztia sarien webgunean dago eskuragarri. Halaber, xehetasun guztiak antolatzaileek hilaren 23an emanen duten online informazio saioan aurkeztuko dira, aldez aurretik esteka honen bidez izena emanda.
MWCapital Awards sarien antolatzaileei buruz
MWCapital Awards sariak Mobile World Capital Barcelonak bultzatzen ditu, maila guztietan pertsonen bizitza hobetzeko gizartearen eraldaketa digitalarekin konprometitutako erakundeak.
Bartzelonan du egoitza, eta berrikuntza, teknologia eta jasangarritasuna sustatzen dituzten hainbat ekimen gidatzen ditu, gobernuekin, enpresekin eta ekosistema ekintzailearekin lankidetzan. Beste ekintza batzuen artean, Mobile World Capital Barcelona urteroko ekitaldia antolatzen du, eta 4 Years From Now (4YFN) plataformaren sortzaileetako bat da, hau da, mundu osoko MWC ekitaldi guztietan dagoen startup komunitatearentzako negozio plataformaren sortzaileetako bat.
Deialdiak GSMA Foundryren babesa du, industria mugikorrean eragin positiboa sortzeko sortzen ari diren soluzio teknologikoak bultzatzen dituen berrikuntza plataforma bat. GSMA Foundryk startup, operadore eta enpresa teknologikoekin lan egiten du etorkizun digitala eraldatuko duten proiektuak garatzeko.
B Lab Spain, bestalde, enpresen gizarte- eta ingurumen-inpaktua neurtzea eta kudeatzea sustatzen duen erakundea da. B Lab ezaguna da B Corp ziurtagiriagatik, zeinak gizarte eta ingurumen arloko jarduera, gardentasun eta erantzukizun estandar altuak betetzen dituzten enpresak aitortzen baititu.
