Durangoko San Agustin Kultur Guneak Hazinnova ziurtagirien bederatzi emanaldietatik lehena hartu du gaur goizean. Hazinnova programaren lehen edizio horretan berrikuntza-proiektu bat gauzatu duten enpresa txiki eta ertainak enpresa berritzaile gisa akreditatu dira. Durangaldeko, Gernika/Bermeoko, Markina/Ondarroako eta Arratia-Nerbioiko berrogei enpresa txiki eta ertainek ziurtagiria jaso dute gaur Ekonomiaren Garapen, Jasangarritasun eta Ingurumeneko sailburu Arantxa Tapiaren eskutik. Honako hauek izan dira:
1. Lusaro-Markcolor SL
2. Agria Hispania SL
3. Gozo-Txori SL
4. Jeremías España SA
5. Jeremias Logistic Services SL
6. Laser Cutting Partners SL
7. Okelgintza S. Koop.
8. Tratamiento Térmicos Tratermic SAL
9. Heisa SA
10. Darrait SL
11. Indecober Industrias Decoletage de Berr SL
12.Inoxibar SL
13.NTClick Soluciones Tecnológicas SL
14.Cumenorte SL
15.Fundiciones San Antonio de Urkiola SL
16.Palacio y Familia SL
17.Manufacturas Azco-Pres SAL
18.Blum-Novotest Iberica SL
19.Bus Alconada SL
20.Deba Beheko Kontenedoreak SL
21.Indupreci SL
22.Soldadura Lagunar SL
23.Talleres Mecánicos Agga SA
24.Talleres Mecánicos Imag SA
25.Labakoa SL
26.LGK SL
27.Plasticos Gernika SL
28.Talleres Ogoño SL
29.Transportes y Logística Carmelo SL
30.Vinos Embotellados del Norte SA
31.Ikertek SL
32.Lottu Steel SL
33.Mecanizados Indarpark SL
34.Parriaundi SLL
35.Bodegas Gorka Izagirre SLU
36.Conservas Dentici SL
37.Markola Industry Coatings SL
38.High Identtity Buildings SL
39.Pescados Burgondar SL
40.Industrias Alzuaran S
Ekitaldian izan dira, halaber, Aitor Urzelai, SPRI taldeko zuzendari nagusia, eta Leire Bilbao, Innobasque Berrikuntzaren Euskal Agentziako zuzendari nagusia. Ziurtagiria jaso duten 40 enpresa txiki eta ertainak zoriondu ostean, Bilbaok hau esan du: “hau bide baten hasiera da, berrikuntzarena, alegia. Bide horretan jarraitzera animatzen zaituztegu, eta gure laguntza eta aholkuak eskura dauzkazue hurrengo urratsa emateko”. Innobasqueko zuzendariak Hazinnovako 44 eragileek egindako lan “bikaina” aintzatetsi du, eta programaren “giltzarria” direla esan du. Bitarteko agenteak izan dira, eta “gure ETE-ei hurbiltasuna, pertsonalizazioa eta laguntza emateko lan handia” egin dute. Zuen laguntzari esker, zerbitzua txoko, eskualde eta sektore guztietara iritsi da, eta proiektu berritzaile ugari sortu dira “. Horregatik, bertan AED, Amorebieta-Etxano, ASLE, Azaro Fundazioa, Galdatze Klusterra, Konfekoop, Ermuako Udala, Errota Fundazioa, Lanbide Ekimenak eta Metaleko Lantegien Bizkaiko Federakuntzaren lana aintzatetsi da.
Berrikuntzarako sarrera ETE-entzat
Hazinnova programaren lehen edizioak 2,4 milioi euroko inbertsioa egitea ekarri du, eta bigarren deialdia abenduaren 2ra arte dago zabalik. Merkatu berriekin, pertsonen kudeaketarekin, logistikarekin, merkaturatzearekin, administrazio-prozesuekin eta finantzekin lotutako gaietan berrikuntza-proiektu bat ezarri nahi duten enpresa txiki eta ertainei aholkularitza eta laguntza emateko 50 ordu eskaintzen ditu doan. Bigarren deialdia zabalik dago eta abenduaren 2ra arte eska daiteke.
Spri Taldeak eta Berrikuntzaren Euskal Agentziak bultzatuta, Hazinnova Euskadiren berrikuntza sustatzen duen ekimena da. Euskadi, lehen aldiz, berrikuntza-indizean Europar Batasuneko batez bestekoaren gainetik dago (103,6en dago, EBko 100aren aldean). “Hazinnova proiektu txiki hauek, zalantzarik gabe, Euskadi Europan berrikuntza handiko eskualdea izan dadin laguntzen dute. Proiektu handiagoen hazia izan daitezke, edo, denok batera lan eginez, Euskadi Europako berrikuntzaren lidergora eramateko aukera emango digun segida baten hazia”, adierazi du Bilbaok.
