Gure berrikuntza-agenda Innobasque Berrikuntzaren Euskal Agentzia osatzen duten erakunde bazkideen sarerako ekitaldi, jardunaldi, sari eta laguntza-deialdiekin elikatzen da, eta berrikuntzaren mugarri nagusiak erakusten ditu.
Urrial 22 eta 29 – AA-REN ORAINA ETA ETORKIZUNARI BURUZKO ZIKLOA
Helburua da kritikoki aztertzea teknologia hori nola birdefinitzen ari den gure elkarrekintza sozialak, gure nortasun-zentzua eta inguratzen gaituen munduarekin dugun harremana.
Bi mahai-ingururen bidez garatuko da, eta hainbat diziplinatako adituek hartuko dute parte.
- MAHAIA AA eta Artea: Sormen-aukera berriak fusionatuz (2024/10/22). Aurkezlea eta moderatzailea: Lorenzo Goikoetxea. Parte-hartzaileak: Patxi Araujo, Maria Ptqk eta Jaime de los Ríos.
- MAHAIA AA, Zuzenbidearekin jarraituko dugu (2024/10/29). Aurkezlea eta moderatzailea: Lorenzo Goikoetxea. Parte-hartzaileak: Oscar Monje, Lorenzo Goikoetxea, Cristina Arenas eta Mikel Badiola.
Sarrera librea eta doakoa da, lekua bete arte, eta ez da beharrezkoa izango aldez aurretik izena ematea
Antolatzailea: Euskalerriaren Adiskideen Elkarteak-Bizkaiko Batzordeak
Urriak 23-24 – UHINAKen VI. EDIZIOA, KLIMA ALDAKETA ETA ITSASERTZEARI BURUZKO MUGAZ GAINDIKO KONGRESUA. Ficoba, Irun.
Uhinak mugaz gaindiko kongresua da, klima-aldaketak eta muturreko fenomenoek arku atlantikoko itsasertzean duten eraginari buruzkoa.
Antolatzaileak: Ficoba eta AZTI
Urriak 24 – EMPRESAREN AZOKA 2024 – Orona Ideo (Hernani)
Aurten Enpresarean Azokan AAk izango duen eragin ekonomiko, sozial eta legala aztertu nahi da. Hitzaldiak, solasaldiak, adibide praktikoak eta ekintzaileak egongo dira. Azokan adimen artifizialak Euskal Herrian duen eraginaz hitz egingo da eta proba bat egin da bertako enpresa baten eskutik, izen emate bideoa hainbat hizkuntzatara egokituz.
Izena eman nahi baduzu, hemen egin dezakezu.
Antolatzailea: Bai Euskarari Elkartea
Urriak 25 – LEADERS IN TECH CONFERENCE
Jardunaldia punta-puntako teknologien orainari eta etorkizunari eta horien aplikazioari buruzkoa da. Adimen artifizial sortzailea, zibersegurtasuna, eraldaketa digitala edo talentu teknologikoa izango dira edizio honetako protagonistetako batzuk, eta, gainera, industriaren eta jasangarritasunaren aldeko apustu sendoa egingo du.
Antolatzailea: Innolab Bilbao
Azaroa eta abendua – INNOBIDEAK
Doako prestakuntza-saio laburrak eskaintzen ditu berrikuntzaren eta kudeaketa aurreratuaren funtsezko kontzeptuak ezagutzeko. Euskadiko industria- eta zerbitzu-enpresetan lan egiten duten gerenteei eta zuzendariei zuzenduta dago.
Saioek askotariko gaiak jorratzen dituzte eta gehienak webinar formatuan egiten dira (Team bidez), hiru orduko iraupenarekin. Inskripzioak banan banan egiten dira.
Antolatzailea: SPRI Taldea
Epea zabalik urriaren 31ra arte – dAIEDGE PROIEKTUAREN 1. OPEN CALL
dAIEDGE Bikaintasun Sareak AAko ekosistema europar dinamiko baten garapena indartu eta lagundu nahi du, IArako Europako Itsasargiaren babespean, eta IA aurreratuaren garapenari eutsi.
dAIEDGE proiektuak 10 ikertzaile edo doktoregoko ikasle inguru bilatzen ditu Edge-n, dAIEDGEren harrera-erakundeetako batean lan egiteko, aurrerapen esanguratsuak ekarriko dituen ikerketa komun bat egiteko. Egokiena da programaren emaitzak onuradunaren eta harrera-erakundearen artean argitalpen zientifiko komun bat sortzea.
Onuradun bakoitzak 60.000 euro jaso ditzake gehienez Truke Programak irauten duen 7 hilabetetan parte hartzeagatik.
Lehen deialdi hau 2024ko urriaren 31ra arte dago zabalik. Izena eman nahi baduzu, hemen egin dezakezu.
Antolatzailea: Enterprise Europe Network
Azaroaren 4, 5 eta 6 – BASQUE TRADE INTERNATIONAL MEETING
Nazioartekotzeko Euskal Agentziak – Basque Trade & Investmentek nazioarteko ordezkarien aholkularitza aditua eta euskal enpresaren nazioartekotzea indartzeko beharrezko tresnak jartzen ditu zure esku. Kanpora ateratzeko prozesu osoan, enpresa bakoitzaren neurrira prestatutako zerbitzuak eskaintzen ditu, erronka berriak irekitzeko, sendotzeko eta hazteko prozesua erraztuta.
Sareak 90 herrialde baino gehiagotan du presentzia eta lan egiten duen merkatu bakoitzaren inguruko ezagutza aditua eskaintzen du. Hala, oztopo posibleak identifikatu eta proiektu bakoitzerako egokienak diren ibilbide eta prozedurak diseinatzen laguntzen du.
Nazioarteko ordezkariekin egingo diren topaketez gain, parte-hartzaileek BasqueTrade & Investment Bilbaoko sektore-arduradunekin hitz egin ahal izango dute, eta kanpoan hazteko estrategiak nola indartu azalduko dute.
Azaroaren 4a: Kursaal, Donostia, Gipuzkoa
Azaroak 5: Zamudioko Parke Teknologikoaren Eraikin Zentrala, Bizkaia
Azaroak 6: Miñaoko Parke Teknologikoaren Eraikin Zentrala, Gasteiz, Araba
Informazioa jasotzeko sektoreak: Automozioa eta Eraldaketa Metalikoa, Makina Erreminta eta Aeroespaziala, Biozientziak, Osasuna eta Elikadura, Energia eta Ingurumena, Teknologia Elektronikoa eta Ezagutza Aplikatua, Trenbidea, beste sektore batzuk.
Izena eman nahi baduzu, hemen egin dezakezu.
Antolatzailea: SPRI Taldea
Azaroak 11 eta 12 – DOK Summit – Bilbao
Teknologia eta Ezagutzaren Sektoreko (ICT) eragile nagusiak bilduko dituen nazioarteko proiekzioko ekitaldi bat, Trantsizio Digital Ireki eta Berdeak datuaren ekonomia berrian dituen erronkak eta aukerak aztertzeko.
Lehen jardunaldia ETI sektorean eta merkatuan oinarrituko da. Mahai-inguruak, hitzaldi magistralak eta arrakasta kasuak egingo dira, sektore digitalaren errealitatea eta lehiakortasuna aztertzeko. Sektoreak bere posizionamendua nola hobetu dezakeen eta merkatuari balio handiagoa nola eman eztabaidatuko da. Gainera, eraldaketa digitalerako soluzio eta zerbitzu berritzaileak aurkeztuko dira, eta estrategia digitalak eta jasangarritasunekoak eztabaidatuko dira.
Bigarren jardunaldia talentuari eskainiko zaio. Eskari handiko sektore batean profesionalak erakartzeko, gaitzeko eta atxikitzeko estrategiak aztertuko dira. Prestakuntza-saioak eta tailerrak izango dira, baita networkingerako eta lankidetzarako guneak ere. IKTetako hezkuntzaren eta prestakuntzaren joerak, metodo pedagogikoen eta edukien berrikuntza eta sektoreko giza baliabideen kudeaketako jardunbide onenak eztabaidatuko dira.
Izena eman nahi baduzu, hemen egin dezakezu.
Antolatzailea: Gaia eta Esle
