Datorren asteazkenean, abenduak 18, goizeko 11: 00etan, Emakume Teknologoarentzako XI. Ada Byron Sariaren banaketa egingo da Deustuko Unibertsitateko Bilboko Campuseko paraninfoan. Unibertsitateko Ingeniaritza Fakultateak sustatzen duen sari honek zientziaren eta teknologiaren arloan bikainak diren emakumeen ibilbidea ikusarazten eta aitortzen du.
Ekitaldia doan izango da, izena eman ondoren. Epea abenduaren 16an amaituko da. Oraindik, beraz, plazak erreserbatu ahal izango dituzu esteka honen bidez entrega zeremoniarako.
Edizio honetan, parte hartze errekorra gainditu du 178 hautagairekin, eta senior kategoria Patricia Horcajada Cortés madrildarrari eman zaio, funtzio anitzeko materialetan aditua eta IMDEA Energian Material Poroso Aurreratuen Unitateko arduraduna. 35 urtetik beherako kategorian, Alba González Álvarez burlatarra saritu dute, Xcure Surgical enpresaren sortzailea, hezur berreraikuntza konplexuetarako 3Dko inplante pertsonalizatuetan espezializatua.
Berrikuntzaren Euskal Agentzia, Innobasque, lehiaketa honen kolaboratzailea da, eta bere presidentea, Manuel Salaverria, epaimahaiko kidea da. Epaimahaiak bi sarituek aurrerapen teknologikoari eta berrikuntzari egindako ekarpen bikainak nabarmendu ditu.
