Zientzia, Berrikuntza eta Unibertsitateetako ministra Diana Morantek 2024ko Berrikuntza eta Diseinuko Sari Nazionalak irabazi dituzten pertsonak eta erakundeak iragarri ditu gaur. Sari horiek Espainiak berrikuntzaren eta diseinuaren arloan duen aintzatespen garrantzitsuena dira. Edizio honetako sarituen artean Biolan Microbiosensores S.L. dago, Innobasque Berrikuntzaren Euskal Agentziako entitate bazkidea. Enpresa Txiki eta Ertainen modalitatean saria lortu duena.
Sariek emandako erabakiaren arabera, konpainia bioteknologikoak bere ibilbide enpresarial eredugarria saritu du, “bere negozio-estrategiaren ardatz nagusi gisa berrikuntzaren aldeko apustu nahasezina eginez, eta, horren ondorioz, hirurogei herrialde baino gehiagotan eraginkortasunez lehiatu da balio erantsi handiko produktuekin osasun- eta elikagai-arloetan; horien artean, sei neurgailu-eredu eta hamabost analisi parametro baino gehiago nabarmentzen dira”.
2006an sortu zenetik, enpresak I+G+Bko 80 proiektu baino gehiagotan parte hartu du Europa, nazio eta autonomia mailako lehiaketa-deialdietan, eta, horren ondorioz, fakturazioa eta irabaziak etengabe hazi dira, eta berrikuntzan eta garapen teknologikoan egindako inbertsioak handitu egin dira, bai eta jabetza intelektualaren eta berrikuntza irekiaren estrategia aparteko moduan sendotu ere.
Enpresa Berritzaile Txiki eta Ertainen kategoriak 50.000 €-ko zuzkidura ekonomikoa du.
