Innobasque, Berrikuntzaren Euskal Agentziak urteko lehenengo hiruhilekoa sei erakunde berriekin itxi du. Horiei esker, itun publiko-pribatuarekin bat egindako erakundeak 906 dira guztira. Erakunde berriak hainbat sektoretatik datoz: bioteknologia, industria, zerbitzu profesionalak edo hezkuntza, eta horietako bik (PKF Attest Zerbitzu Profesionalak eta Goizper) dagoeneko Innobasquek antolatzen duen ekosistema berritzailearen barneko proiektu zurrunetan eta lantaldetan parte hartzen dute.
BIOFUNGITEK. Enpresa Bizkaiko Parke Zientifiko eta Teknologikoan dago, eta landareen eta laboreen osasuna bermatzen duten nutriente eta osagai aktiboak egiten ditu, ingurumenean eragin txikienarekin.
DTS-OLABE. Orozkon egoitza duen laborategi honek hogei urtetan zehar biozidak garatu, egin eta saldu ditu ingurumen eta elikadura osasunerako, legionella kontrolatzeko eta egurra babesteko.
GOIZPER. 1959an Antzuolan sortutako enpresa, Mondragon taldearen barne. Horren jarduerak hiru ildo nagusi ditu: arlo industrialean potentzia transmititzeko osagaiak sortzen ditu, eta munduko zenbait erakunderen hornitzaile homologatua da, hala nola FAO, Unicef edo OMErena. Horrez gain, nazioarteko batzordeetan parte hartzen du arau eta estandarrak ezartzen. Azkenik, bioteknologiaren arloan dihardu biozidak formulatzen eta sortzen.
TALLERES GUIBE. Goizper taldearen barneko enpresa hau Iruran dago, eta transmisio industrialeko osagaiak diseinatu eta egiten ditu, hala nola industria-erreduktoreak, engranajeak edo katu mekanikoak zenbait sektoretarako: kautxuaren eta plastikoaren tratamendua, azukrearena zein meatzaritza.
PKF ATTEST ZERBITZU PROFESIONALAK. Hiru euskal hiriburuetan egoitza duen enpresa da. 1990az geroztik, enpresa zein erakundeei zenbait zerbitzu eskaintzen dizkie: auditoretza, aholkularitza, eraldaketa digitala eta aholkularitza esparru legal, fiskal eta ekonomiko-finantzarioan.
ZABALBURU IKASTETXEA. 1981ean hezkuntza kooperatiba gisa sortu zen itunpeko hezkuntza zentroa da. Bilbon dago eta honako hauek ikasteko aukera ematen du: hiru batxilergo, LHko goi mailako zazpi ziklo eta enplegurako hiru prestakuntza ikastaro.
Honen bidez, Innobasquek ongietorria emateaz gain, eta eskerrak eman nahi dizkie Euskadi Europako eskualde berritzaileenetako bat egiteko duten konpromisoagatik.
