Berrikuntzaren Euskal Agentziak, Innobasquek, Sormenaren Mundu Foroaren (CWF24) lan-saioetako bat ireki du astearte honetan. Foro hori Sormen Barrutien Sarearen (DC Network) topagune nagusia da, eta bi urtean behin egiten da. Oraingo honetan, Euskadin egingo da, Eusko Jaurlaritzako Kultura eta Hizkuntza Politika Sailak antolatuta. Zehazki, Leire Bilbaok, Innobasqueko zuzendari nagusiak, ongietorria eman die Kultura eta Sormen Industrietan (KSI) garatutako berrikuntzak beste sektore batzuetan eta trantsizio ekologikoan izan dezakeen eragina aztertzera bideratutako arlo tematikora bertaratu direnei.
Bere hitzaldian, “kulturak eta sormenak gizarte baten ongizatean duten garrantzia” nabarmendu du Bilbaok, “eta Zientzia, Teknologia eta Berrikuntzaren Euskal Sisteman sartzeak sistema sendotzen lagundu duela”. Nazioartean nagusi den publiko baten aurrean, agerian utzi du “berrikuntzak Euskadin duen dinamismo handia, Europako Batzordeak berrikuntza-polotzat kalifikatua, I+Gn gero eta inbertsio handiagoa egin zuena, 2022an 1.795 milioi euroko zifrara iritsi zena, inbertsio publiko eta pribatuen gorakadak bultzatuta”.
Agentziak eta Tecnaliak koordinatutako lan-saioak teknologia disruptiboek kulturan eta sormenean duten eragina aztertu du, batetik, eta KSIek trantsizio berdean nola lagun dezaketen, bestetik. Jardunbide egokien zazpi kasu aurkeztu dira, batzorde zientifiko batek aldez aurretik hautatuak, eta horien artean euskal kasu bat azaldu da: Virtualware sinadurarena, zeinak errealitate birtuala erabiltzen baitu planta nuklearren, trenbide-sareen edo Osasun Eskola Militarraren prestakuntza arintzeko eta jasangarriago egiteko.
Arrakasta-kasu honekin batera, honako hauek garatutako ekimenak ezagutu dituzte bertaratutakoek: Ristband (Estatu Batuak), bideojokoen sortzaile independenteei merkaturako sarbidea errazten dien plataforma bat sortu duena; Copyright Delta (Holanda), egile-eskubideak babestu eta kudeatzeko aukera ematen duen plataforma; Mediar (Kenya), prestakuntzaren eta edukietarako sarbide librearen bidez Afrikan murgiltzeko teknologiak bizkortzeko plataforma bat sortu duena; Resortecs (Belgika), fabrikazio desmuntatze aktiboko metodologia bat garatu duena, kontsumo-produktuak eskala industrialean birziklatzeko aukera ematen duena; Surface Club (Suedia), altzarientzako eta ekipo akustikoentzako estaldurak egiten dituena, beste industria batzuetako hornidura-kateen hondakinetatik abiatuta; Autofabricantes (Espainia), haurrei prozesuan parte hartzeko aukera ematen dien kultura-elkartea.
Creativity World Forum
Sormenaren Mundu Foroa (CWF24) apirilaren 15etik 17ra bitartean egiten da Euskadin, eta Sormenaren Barrutiko eskualde batek antolatzen du urtero. Sormen Barrutien Sarearen (DC Network) konferentzia eta topaketa bereizgarriak jendea inspiratu eta batzen du ekintzailetzaz, sormenaz eta berrikuntzaz hitz egiteko. Gobernuko agintariak, enpresaburuak, sormeneko profesionalak, artistak eta arduradun politikoak bildu dira, beren eskualdeak berrikuntza- eta sormen-gune bihurtzeko moduari buruzko ideiak partekatzeko. Sormenaren Munduk Foroa ideiak trukatzeko, lankidetza sustatzeko eta pertsonak inspiratzeko plataforma da, erronkei aurre egiteko eta aldaketa positiboak bultzatzeko modu sortzailean pentsa dezaten.
Kultura eta Sormen Industrietarako (KSI) azken urteotan garatu diren politika aitzindariak eta Euskadi Sortzailearen Espezializazio Adimendunaren Estrategia (RIS3) baliatuta, Foroaren ardatz nagusia honako hau da aurten: “Kultura eta Sormen Ekosistemak: Gobernantza eta Berrikuntza Ereduak”.
Topaketa honetan, mundu mailako berrikuntzaren sektorea gonbidatzen da sormenari, Kultura eta Sormen Industrien (KSI) ikuspegitik egindako berrikuntzari eta enpresa-esparruari buruzko eztabaidetan parte hartzera.
Informazio guztia hemen duzu: www.cwf2024.eus
Ana Larizgoitia
Tel. 656 788 328 / [email protected]
