Forética, Eroski Fundazioa, Metro Bilbao, Euskaltel, Zeltia eta Innobasquek “Berrikuntza arduratsua” hitzaldian parte hartuko dute; EGEk (RSE) enpresen emaitza-kontuan zer eragin izan dezakeen jorratuko da hitzaldian, zerbitzu, produktu eta negozio-eredu berritzaileak sortzen dituen berrikuntza-iturri den neurrian.
- Mahai-ingurua datorren
urtarrilaren 30ean izango da Global Innovation Day-ren esparruan; Innobasquek antolatu du bere sareko 80 erakunderekin elkarlanean, eta Eusko
Jaurlaritza, Bizkaiko Foru Aldundi, Bilboko Udal, Deloitte eta
AlhóndigaBilbao-ren babesaz.
- EGE (RSE) gaiaz gain, Global
Innovation Day-n beste gai batzuk ere aztertuko dira: Google Glass produktuen
negozio-aukerak, berrikuntzaren inbertsioa eta finantzaketa, EBko herrialdeen
eta Euskadiren berrikuntza-ahalmena eta lidergo-eredu berriak.
Enpresaren
Gizarte Erantzukizunak (EGE / RSE) eragina izan dezake emaitzen kontuan, zerbitzu
eta produktu berriak ez ezik, negozio-eredu berritzaileak sortzeko ere gai den berrikuntza-iturri
bat den neurrian. “Berrikuntza arduratsua” panelak gai horiek jorratuko ditu,
17:00etatik 19:00etara, Global Innovation Day-ren esparruan; datorren
urtarrilaren 30ean AlhóndigaBilbaon izango da Innobasque-Berrikuntzaren
Euskal Agentzia sareko 80 erakunderen eskutik, eta Eusko Jaurlaritza, Bizkaiko
Foru Aldundi, Bilboko Udal, Deloitte eta AlhóndigaBilbao-ren babesaz. Berrikuntza
arduratsuak ekonomia, gizarte eta ingurumen-faktoreei ekarpen positiboa egiten
diela erakutsiko dute Forética, Eroski Fundazioa, Metro Bilbao, Euskaltel,
Zeltia eta Innobasquek.
Topaketan berrikuntza arduratsuaren jardunbide egokien lau
kasu ezagutaraziko dira. Honela, Alejandro Martínezek, Eroski Fundazioaren zuzendari nagusiak, Zero Hondakin
ekinbideaz hitz egingo du; horrela jokatzen du Eroskik janaria alferrik
galtzearen aurka, eta egoera onean dauden elikagaiak ematen dizkie sozialki
arduratsuak diren 40 erakunderi. 2012an 815 tona eman zituen. Bestalde, José
Félix Gonzalok, Euskaltel-eko
Antolaketa eta Kalitate zuzendariak, kontatuko du, karbono-aztarnaren
neurketa ezarri ondoren, telekomunikazio-konpainiak egitasmo bat jarri duela
martxan bere zerbitzu eta produktuen (Internet, zuntz optikoaren sare, erabilitako
ekipamenduen fabrikazio, erabilera eta bizi-amaieraren) ingurumen-eragina ezagutzeko, horiek klima-aldaketan izan dezaketen
eragina zenbatetsiz.
Susana Palominok, Metro Bilbaoko Marketin eta Komunikazio zuzendariak, azalduko du zertan datzan mugikortasun iraunkorraren proiektua:
teknologia berritzailearen bidez, trenen trakzio-energia berrerabiltzen du,
horrek trenen zirkulaziorako erabiltzen den energiaren %8,26 aurreztea
ahalbidetzen duelarik. Fernando Mugarza, Zeltiako Komunikazio-zuzendaria, Zeltia behatokiaz eta talde farmazeutikoak martxan duen Rey
Juan Carlos Unibertsitateko Berrikuntza,
Osasuna eta Komunikazioa katedraz arituko da; zientzia-kultura sustatzea du
helburua, eta ikerketa-lana bultzatzea unibertsitate-ikasleen
enplegagarritasuna sustatzeko.
Jardunaldiari hasiera Lantegi
Batuak-eko zuzendari nagusia den Txema Francok emango dio, Innobasqueko Laugarren Sektorearen Kontseiluko
lehendakaria den aldetik.
Laugarren Sektorean zein ikuspegitatik lan egiten duen azalduko du Francok,
lau ardatz baititu lan horrek: gizarte-ekintzailetza, enpresen
gizarte-erantzukizuna, negozio inklusiboen nazioartekotzea Piramidearen
Oinarriaren bidez, eta finantza sozialak. Ondoren, Jaime Silos-ek, Foréticako
Garapen Korporatiboaren zuzendariak, Foréticak eta Zeltia behatokiak argitaraturiko
“Berrikuntza Arduratsua” azterketa
aurkeztuko du, eta, Innobasqueko
proiektu-burua den Iker Atxarekin batera, dinamika parte-hartzailea gauzatuko
du.
