Nazioarteko lankidetza teknologikoa: 2025ko finantzaketa-aukerak
Euskal ETEa bazara, nazioarteko lankidetza teknologikoak zure lehiakortasuna areagotzen lagun dezake, balio erantsi handiko produktuak edo prozesuak garatuz. Jardunaldi honetan, I+G+b nazioartekotzeko prozesuetan parte hartzeko hainbat tresna azalduko dira.
Jardunaldiaren helburuak
Jardunaldi honen helburu nagusia EAEko ETEei I+G+B (ZTBP) arloko Nazioarteko Lankidetza Teknologikoko Proiektuen finantzaketa-aukerak aurkeztea da. Mota askotako enpresak dira proiektu honen buru, bai alde anitzekoak (Eureka, ko-finantzatutako partenariatuak, Iberoeka eta PRIMA), bai aldebikoak, nazioartean egindako berrikuntzaren balio erantsiari erreferentzia egiten diotenak eta enpresei aukera ematen dietenak beren gaitasun teknologikoak indartzeko, aldi berean, beren produktuek, prozesuek eta zerbitzuek merkatu globaletan duten eragina zabalduz.
Nori zuzenduta
Jardunaldia enpresa eta enpresa-elkarteetako, klusterretako, aholkularitzetako eta abarretako pertsonei zuzenduta dago, I+G+b-n zuzendaritza-erantzukizunak edo erantzukizun teknikoak dituztenei, bai eta ZTBESko eragileei ere.
SPRIk (EENren euskal nodoaren koordinatzailea) eta Innobasquek antolatu dute jardunaldi hau Enterprise Europe Network (EEN) sarearen jardueren esparruan, euskal I+G+b nazioartekotzea sustatzeko.
Aldebiko bilerak CDTIrekin
Informazio-saioaren ondoren, erakunde interesdunek aldebiko bilera eskatu ahal izango dute CDTIko ordezkariekin, beren ideia edo proiektu-proposamena berrikusteko.
Horretarako, izena emateko formularioaren informazioa martxoaren 20a baino lehen bete beharko da.
Egitaraua
| 9:30-9:45 | Ongi etorria Jaione Ganzarain. Teknologia, Berrikuntza eta Eraldaketa Digitaleko sailburuordea. Eusko Jaurlaritza. |
| 9:45-10:30 | Nazioarteko Lankidetza Teknologikoko Programak CDTIn Ricardo Rubianes. Kanpo Ekintza Teknologikoko Departamentua (CDTI). |
| 10:30-11:15 | Europar ko-finantzatutako partenariatuak: Eurostars-3 eta Innowwide eta sektoreko partenariatuak Óscar Fernández. Lankidetza Teknologikoko Saila (CDTI). |
| 11:15-11:45 | Kaferako etenaldia |
| 11:45-12:15 | Euskal enpresen arrakasta-kasuak. |
| 12:15-12:35 | Eureka klusterrak Patricia Tamés. AFM. |
| 12:35-13:00 | Enterprise Europe Network (EEN) sarearen zerbitzuak nazioarteko lankidetzarako. Susana Larrea. Enterprise Europe Network (SPRI). |
| 13:00-13:10 | I+G+b nazioartekotzeko eskualde-finantzaketarako aukerak (Europako proiektuetan parte hartzea). Cristina Ugarte. Berrikuntza saila (SPRI) |
| 13:15-15:00 | Aldebiko elkarrizketak CDTIrekin Informazio-saioaren ondoren, interes duten erakundeek aldebiko bilera eskatu ahal izango dute CDTIko ordezkariekin, beren ideia edo proiektu-proposamena berrikusteko. |
Presentziala
mar. 25
09:30 - 15:00 CEST
Angulas Aguinaga (Irura)
Harremanetan jarri
Berrikuntzaren Euskal Agentzia, Innobasque
