Formakuntza – Nola egin roadmapping teknologikoa eta nola iritsi merkatura 

Prestatzailea

Javier Medina Antón. Qi EUROPEn CEO.

Ekonomista, finantzen espezialitatean. Masterra Negozio Energetikoetan eta PDG IESE Business Schoolen. Madrilgo Ekonomisten Elkargo Ofizialeko kidea, Madrilgo Erkidegoko enpresa-mentore egiaztatua eta EBko Women Leadership programako mentorea. 1995etik garatzen du bere karrera profesionala honako hauen diseinuan eta garapen estrategikoan: negozio-eredu berriak (balio-proposamena, kapitalaren modelizazioa eta optimizazioa, prezioak, errentagarritasunak eta kostuak, seed&startup capital, private equity, venture capital, lehiakortasuna eta produktibitatea), teknologia transferitzeko eragiketak eta I+G+b proiektuak (teknologien brokerra, inbertsioen finantzaketa eta analisia, DFC balorazioa eta Venture Capital Method, egituraketa, negoziazioa eta salmenta/aliantzak, bai eta I+G+b proiektuen idazketa, justifikazioa eta nazioartekotzea) eta negozio berriaren garapena (merkatua erakartzea, dibertsifikatzea, hazkundea eta nazioartekotzea) inguru digitaletan/ teknologikoetan / industrialetan, eta ardura zuzena du produktu eta zerbitzu teknologiko berrien berrikuntzan eta garapenean.

Cristina Ugarte del Valle, Berrikuntzako teknikaria, Teknologia, Berrikuntza eta Jasangarritasunaren Arloa. SPRI

Elikagaien Zientzia eta Teknologian lizentziatua da EHUn, eta Project Management Professional (PMP) ziurtagiria lortu zuen 2017an.

Bere ibilbide profesionala berrikuntza eta proiektuen kudeaketan oinarritzen da, non 13 urtez eta Innobasqueko taldeko kide gisa, euskal I+G+Ba Europan nazioartekotzeko koordinazioan eta laguntza teknikoan funtsezko eginkizunak bete zituen. Lankidetza-sareak kudeatu ditu, I+G+Bari laguntzeko Europako Esparru Programarako proposamenak prestatzen parte hartu du eta Eusko Jaurlaritzari laguntza eman dio I+G+Bari laguntzeko finantzaketa-programak nazioartekotzeko.

Gaur egun, euskarri teknikoa eskaintzen du berrikuntzari laguntzeko tresnak diseinatu, inplementatu, kudeatu eta ebaluatzeko, eta nazioarteari begiratzen dio.

Aurretik, Unilever, Eroski eta Erresuma Batuko Percy Dalton enpresetan kalitate kontrolean eta produktu berrien garapenean esperientzia hartu zuen.

Ikaskuntza-helburuak

• Azaleratzen ari diren teknologiak identifikatu eta lehenestea, berrikuntza-aukerak aztertzeko trebetasunak garatuz eta beren erakundeen helburu estrategikoekin lerrokatuz. 

• Ibilbide-orri teknologikoak sortzea eta kudeatzea, roadmap argi eta exekutagarriak diseinatuz, teknologien identifikazioa haien inplementazioarekin eta merkaturatzearekin lotzeko. 

• Proiektu teknologikoen gauzatzea planifikatzeko tresnak ematea, baliabideak esleituz, mugarri giltzarriak definituz eta epe luzerako berrikuntza-estrategien arrakasta bermatuz. 

• Roadmapping-arekin lotutako berrikuntzarako laguntza-programak ezagutzea. 

Ikaskuntzaren edukiak

1. Roadmapping teknologikorako sarrera.

• Oinarrizko kontzeptuak: Zer da mapaketa teknologikoa eta zergatik da garrantzitsua? 

• Onurak: Aukerak identifikatzea, produktibitatea eta lehiakortasuna hobetzea. 

• Prozesuaren faseak. 

2. Teknologiak bilatzeko estrategiak eta tresnak.

• Informazio-iturriak (doako datu-baseak, berrikuntza-sareak, txosten sektorialak).  

• Bilaketa-estrategiak.  

• Ariketa praktikoa. 

3. Teknologiak ebaluatzea eta lehenestea.

• Ebaluazio-irizpideak (inpaktua, bideragarritasun teknikoa eta ekonomikoa, heldutasun teknologikoa). 

• Tresnak (inpaktu-bideragarritasun matrizea, etab.). 

• Ariketa praktikoa. 

4. Mapeoaren plangintza estrategikoa.

• Nola integratu lehenetsitako teknologiak enpresaren estrategian. 

• Oinarrizko inplementazio-plan bat sortzea (helburuak, beharrezko baliabideak eta balizko bazkideak identifikatzea, mugarri gakoak definitzea). 

5. Erabilera-kasua: Roadmapping teknologikoaren prozesu osoa aplikatzeko kasu praktikoaren adibidea

6. 6. Roadmapping teknologikoko prozesu bat garatzeko laguntza-programen aurkezpena (SPRI)

Nori zuzendua

Innobasque Berrikuntzaren Euskal Agentziaren bazkide den edozein erakunderentzat (enpresa, ZTBESko eragilea, administrazio publikoa, hezkuntza-erakundea edo erakunde soziala), soilik: 

• Estrategia teknologikoko jarduerak era sistematizatu eta planifikatuan egiten hasi nahi dutenak. 

• Baldin eta berrikuntzarekin lotutako kezkak badituzte eta ibilbide-orri teknologikoak sortzeko eta kudeatzeko ikuspegi integrala bilatzen badute, oinarrizko teknologiak identifikatzen eta aztertzen ikasteko eta planen etengabeko eguneratzea bermatzeko, berrikuntza-estrategiak negozio-helburuekin lerrokatuz. 

*Gehienez bi pertsona erakunde bakoitzeko.