Enterprise Europe Network (ENN) Europako Batzordeko ETE berritzaileei laguntzeko sareak, Innobasque Berrikuntzaren Euskal Agentziak, deialdia egin du dAIEDGE proiektuan parte hartu nahi duten ikertzaile edo doktoregoko ikasleentzat.
Proiektu honek abangoardiako AAri buruzko ideien eta joeren trukea sustatzen du, Europan etorkizuneko garapenetarako estrategiak identifikatzen laguntzeko. Horretarako, AAko hamar ikertzaile edo doktoregoko ikasle inguru bilatzen ditu, eta zazpi hilabetez ikerketa komun bat egingo dute dAIEDGEko harrera-erakunde batean.
Truke-programaren bidez, parte-hartzaile bakoitzak 60.000 euro jaso ahal izango ditu. Lehenengo fasean, bi hilabete izango ditu, eta, bertan, erronkak, jarduerak eta aurrekontua jasoko dituen ikerketa-plana egingo da. Bigarren fasean (gainerako bost hilabeteetan), berriz, txosten teknikoa egingo da.
Lehenengo deialdia urriaren 31ra arte egongo da zabalik. Interesatuek informazio gehiago lor dezakete esteka honetan.
