Teknologia gaitzaile digitaletarako laguntzak, Innobideak, Bikaintek 2019 eta besterik
2019ko maiatzaren 20a
Innobasquek proposatzen duen berrikuntza-agenda Berrikuntzaren Euskal Agentziako erakunde bazkideen sareko ekitaldiez, jardunaldiez, sariez eta deialdiez hornitzen da, eta berrikuntzaren mugarri edo gertaera nagusiak erakusten ditu.
Maiatzaren 21era arte
ZIENTZIA ETA TEKNIKA IKERKETARAKO ETA BERRIKUNTZARAKO PLAN ESTATALA 2017-2020. TEKNOLOGIA GAITZAILE DIGITALEN EREMUAN PROIEKTUAK GAUZATZEKO LAGUNTZAK
Deialdi honetan sarturiko jardueren laguntza eta sustapena funtsezkoak dira IKT enpresen lehiakortasuna sendotzeko I+G jardueren bidez Teknologia Gaitzaile Digitalen (TGD-THD) multzoan; izan ere, eragin eta disrupzio-gaitasun handikoak dira, ekonomiaren eta gizartearen garapen eta eraldaketa digitalerako estrategikoak; honela errazten da Espainiako IKT enpresak egoera hobean baliatu ahal izatea eraldaketa digitaleko prozesuek dituzten aukera edo abaguneez, ekoizpen- eta gizarte-sektore guztietan gertatzen ari direlarik.
Deitzailea: Espainiako Gobernuaren Zientzia, Berrikuntza eta Unibertsitateen Ministerioa
Maiatzaren 21era arte
2019rako proposamena ETEen premia edo beharrizanetara hurbiltzen da; erakundeen gogoeta-gai diren alderdi berriak jorratuko ditu eta, formakuntzaren bidez, erantzun egokiak emateko tresnak eta baliabideak erakutsiko ditu. Prestakuntza doako programa da, estrategia, bezero, pertsona, gizarte, berrikuntza eta emaitzei buruzko 16 gai proposatzen dituena.
Antolatzaileak: SPRI Taldea eta Euskalit
BIKAINTEK 2019: DOKTOREGO INDUSTRIALAK EGITEKO ETA IKERTZAILEAK HARTZEKO LAGUNTZAK
Jarduketa hauetarako laguntzak deitzen dira: doktore-titulua duten pertsonen kontrataziorako, entitate onuradunek garatuko dituzten I+G proiektuetan lan egin dezaten; baita industria-doktoregaiak prestatzeko ere, prestakuntzan dauden ikertzaileen lan-kostuak batera finantzatuz, 2020ko ZTBParen espezializazioko arloen barruan industria-ikerketako proiektu batean parte har dezaten, zeina haien doktorego-tesiaren esparrua izango baita.
Antolatzailea: Eusko Jaurlaritzako Ekonomia Garapen eta Azpiegituretako Saila
Maiatzaren 23an
ENPRESA DIGITALA. 4.0: LANTOKI ADIMENDUNA. Iberdrola Dorrean, Bilbo
Innobasqueko presidenteak, Manuel Salaverrik, emango dio jardunaldiari hasiera; gainera, Marc Vidal-en hitzaldia izango da: “ReWorking, erronka digitalaren 4 gakoak”, hau da, nola aurre egin 4.0 iraultza garaiko erronka digitalari.
Antolatzailea: Ricoh
Maiatzaren 24an
EKONOMIA ZIRKULARREAN I+G+b FINANTZATZEKO EUROPAKO TRESNAK
Jardunaldiaren helburua, ekonomia zirkularrean I+G+b proiektuak finantzatzeko aukerak eta nobedadeak aurkeztu eta aztertzea da; nazioarteko eta Europako, batez ere H2020 eta LIFE, programen hurrengo deialdien barruan aurkeztuko dira. Horretarako adituak ─CDTIkoak, Ekologia Trantsizioko Ministerioaren LIFE programako Harremanetarako Puntu Nazionalekoak, eta IDOMekoak─ izango dira, eta argibideak emango dituzte H2020 Programan, estatuko eta nazioarteko beste programa batzuetan eta LIFE Programan dauden finantzaketa-aukerez, hurrenez hurren. Proposamenak prestatzeko aholkuak ere emango dira.
Antolatzaileak: SPRI, Innobasque eta BEAZ, Basque Enterprise Europe Network (EEN) Partzuergoko kideak, Teknologia eta Industria Garapenerako Zentroa (CDTI), Ekologia Trantsiziorako Ministerioa, IDOM, Ihobe eta Aclima-Basque Environment Cluster
Maiatzaren 28ra arte
Doktoreen laneratze egonkorra sustatzeko laguntzek lanpostu iraunkorren eskaintza bultzatu nahi dute Unibertsitate eta irabazi asmorik gabeko I+G Zentroetan, ibilbide zientifiko-teknologiko nabarmena duten ikertzaileak sar daitezen postu horietara. Laguntza hauek Laneratzea Sustatzeko eta Ikerketa Jarduera Areagotzeko Programaren (I3 Programa) helburuei segida emateko xedeaz sortu dira, eta etorkizunean lanpostu iraunkorrak sortzeko laguntzekin, 2012ko deialditik aurrera Ramón y Cajal kontratuetarako laguntzen barruan ezarritakoekin, bateratzea da asmoa.
Deitzailea: Zientzia, Unibertsitate eta Berrikuntza Ministerioa
Maiatzaren 31ra arte
Designscapes Horizon(te) 2020 proiektu europarretako bat da, hiri-diseinua ahalbidetzen duten berrikuntzen onarpen eta hobekuntza sustatzea bilatzen duena. Proiektua enpresaburu, diseinatzaile edo pertsona sortzaileen diseinu-ideiak eta proiektuak aurkitzen eta laguntzen saiatzen da, horiekin hiriko bizitza hobetu ahal izateko. Designscapes hiru txandatan eratu edo taxutzen da: egingarritasun-azterketak, prototipoak eta eskalabilitate-probak. Txandak pixkanaka garatzen dira. Bigarrena jada martxan da eta hautagai berriak nahiz aurreko txandetan jada aurkezturikoak aurkez daitezke. Txanda honetan produktu, zerbitzu, prozesu edo beste soluziobide berritzaile baten prototipoa sortuko da, ingelesez, hiri-inguruneetan berrikuntza sustatuko duena. Txanda honetako irabazleek 25.000 eurorainoko laguntza jaso dezakete finantza-laguntza gisa.
Maiatzaren 31n
FORO PARKE. Gastatxu aretoan. Bizkaiko Zientzia eta Teknologia Parkea.
Parkeko enpresen artean lankidetza eta elkar ezagutze handiagoa sustatzeko jardunaldia. Aurkezpenen formatua: gehienez 5 minutu (elevator-pitch). Bidali maiatzaren 28a baino lehen. Ez da ezinbestekoa aurkezpena egitea bertaratzeko. Jardunaldian enpresa-harremanak ezarriko dira networking-a sustatzeko. Argibide gehiago eta izen-emateak: [email protected] edo telefono honetan: 944 039 500
Ekainaren 5ean
INNOBASQUEREN BATZAR NAGUSIA. Getxoko (Bizkaia) Olatua Gurutzontzien Terminalean
Innobasquek Batzar Nagusia egingo du bere erakunde bazkideentzat bakarrik izango den ekitaldiarekin. Ohorezko presidentea den Iñigo Urkullu lehendakariak emango dio amaiera ekitaldiari, eta etorkizuna markatu eta mundua eraldatuko duten megajoerek Euskadin izango duten eragin edo inpaktua aztertuko da bertan. Innobasqueko Prospektiba eta Nazioartekotzeko zuzendaria den Lola Elejaldek moderatuta, lau adituk azalduko dute nola aurrea hartu etorkizunari eta nola baliatu Euskadin berrikuntzarako irekitzen diren abaguneez. Txinan eta Estatu Batuetan, ildo honetatik, jada jarraitzen ari diren estrategiak ere ezagutuko dira. Parte-hartzaileak hauek izango dira: Rafael Yuste neurozientzialaria, Brain Proiektuko aholkularia, Columbia Unibertsitateko (New York) irakaslea eta Ikerbasque research professor DIPCen; Jose Maria Luzarraga, Mondragon Team Academyren sortzailekidea Txinan, Espainian, Indian, Holandan eta Mexikon; Lourdes Moreno, Bolueta Engineering-eko zuzendari nagusia; eta Eva Arrilucea, Tecnalia Think&Do-ko liderra eta berrikuntza-politiketan aditua.
Antolatzailea: Innobasque, Berrikuntzaren euskal agentzia
Ekainaren 4tik 6ra
+ INDUSTRY. Bilbao Exhibition Center-en (BEC)
1.400 enpresa hornitzailek baino gehiagok soluziobiderik onenak eskainiko dituzte ondorengo sektoreetako prozesu eta hornikuntzetan: aeronautika, automobilgintza, ekipo-ondasunak, eraikuntza metalikoak, energia & utilities, trenbideak, ingeniaritzak, makina-tresna, ontzigintza, petrokimikoa, siderurgia, garraio & azpiegiturak, uren tratamendua eta hondakinak, baita banaketa-kanal guztiak ere: industria-hornikuntzako biltegiak, burdineria-kooperatibak, erosketa-taldeak, besteak beste.
Ekainaren 5 eta 6an
WORKINN. Bilbao Exhibition Center-en (BEC)
Industria-enpleguko foroa, batez ere sektoreko profesionalarentzat da, jardunean baina lanez aldatzeko asmoz dagoenarentzat, edo langabezian eta lanean hasi nahian dagoenarentzat. Ekintzailetza-ekimenak eta enpresa-sorkuntzak ere Foroaren edukiaren parte dira, eta sektore eta jarduera osagarri gisa planteatuko dira.
Antolatzailea: BEC
Ekainaren 6ra arte
2019-2020 IKASTURTEAN BERRIKUNTZA- ETA EKINTZAILETZA-PROIEKTUAK EGITEKO DIRU-LAGUNTZAK
Deialdi honen helburua da itunpeko ikastetxe pribatuetako irakasleen liberazio osoa edo partziala finantzatzea, 2019-2020 ikasturtean Lanbide Heziketako V. Euskal Planari lehentasunez jarraitzen dioten berrikuntza-proiektuak egin ditzaten, eta, horrela, aldi berean, horietan ikasitakoak ikasleei, Euskal Autonomia Erkidegoko lanbide-heziketako gainerako zentroei eta enpresei, batik bat ETEei, helarazteko aukera ahalbidetu dezaten.
Deitzailea: Eusko Jaurlaritza
Ekainaren 7ra arte
KSEI ESPAINIA – HEGO KOREA DEIALDIA
2019. urterako deialdi bateratua, energiaren eta erlazionaturiko teknologien eremuan proposamenak aurkezteko. Espainiako eta Koreako enpresa-erakundeen baterako proiektu teknologikoak sustatu, lagundu eta finantzatzera konprometitzen dira CDTI-E.P.E. eta KETEP, enpresa-erakundeak ez direnen laguntza izan dezaketelarik Espainian, azpikontratatu gisa edo autofinantzaketa bidez. Programaren helburua da Espainiako eta Koreako erakundeen artean enpresen lankidetza teknologikoa sustatzea teknologia-garapeneko eta teknologia-transferentziako proiektuetan energiarekin zerikusia duten arlo hauetan: energia-eraginkortasuna, energia berriztagarriak, sorkuntza eta banaketa (Smart Grids).
Deitzaileak: Espainiako Zientzia, Berrikuntza eta Unibertsitate Ministerioko CDTI-E.P.E. eta Hego Koreako KETEP (Korea Institute of Energy Technology Evaluation and Planning)
GASTRONOMIA 4.0 GIPUZKOA 2019 PROGRAMA
Programaren helburua da gastronomiaren balio-katean dagoen gipuzkoar enpresaren eraldaketa bultzatzea Teknologia Berrien erabilera eta Berrikuntza Integrala (produktua, zerbitzuak, kudeaketa, prozesuak, industrializazioa eta abar) indartuz bere enpresetan, inpaktuari aurrea hartuz eta negozio- eta kudeaketa-eredu berriak definituz, belaunaldi-txandaketa bultzatuz sektorean, baita bere lidergoa ere Nazioartean.
Deitzailea: Gipuzkoako Foru Aldundia
Ekainaren 11ra arte
TORIBIO ECHEVARRIA SARIAK
Sari hauek teknologia-sorkuntza eta berrikuntzako errealitateak laguntzen eta bultzatzen dituzte, horien garapenak euskal enpresa-sarearen berrikuntza- eta modernizazio-kulturaren sendotzea esan nahi badu, horretarako enpresa berriak sortuz eta lehendik daudenak garatuz. Sariek pertsona ekintzaileen lana –ahaleginak, sakrifizioak, hartutako arriskuak– aitortzen dute, ekimen ekintzailea sustatzen dute, jendea enpresa-sorkuntza eta garapenerako motibatzen dute. Ekintzailetza Teknologikorako Iñaki Goenaga ohorezko saria etengabe eta erabakitasunez Berrikuntza Teknologikoaren alde egiten duten enpresa eta pertsona ekintzaileentzat izaten da.
Deitzaileak: Eibarko Udala eta Bic Gipuzkoa
PERTSONA ADITUEN HAUTAPENA “MISIO-KONTSEILU”ETARAKO HORIZON EUROPE-N
Europako Batzordeak pertsona adituak aukeratzen ditu “Misio Kontseilu”etan sar daitezen; hauek Batzordeari aholku emango diote misioak identifikatu eta inplementatzeko Horizon Europe-n, EBk izango duen hurrengo ikerketa- eta berrikuntza-programan. Misio hauek anbizio handiko eta goi-profileko ekinbideak izango dira Europako herritarrek aurrean dituzten erronka nagusietako batzuei konponbideak aurkitzeko, oro har herritarren irudimena liluratzen duen helburu argi batekin. Bost “Misio Kontseilu” izango dira: klima-aldaketarako, gizartearen eraldaketa barne dela; minbizia; ozeano osasuntsuak, itsasoak, kostaldeko urak eta barnealdekoak; klimatikoki neutralak eta adimendunak diren hiriak; eta lurzoruaren osasuna eta elikadura.
Deitzailea: Europako Batzordea
Ekainaren 19an
B+I STRATEGY-REN 8. ESTRATEGIA LIBURUAREN AURKEZPENA. Bizkaia Aretoan, Bilbo
B+I Strategy-ren urteko Liburu Zuria, bai B+I Strategy-koak eta bai aliatu eta hurbileko kolaboratzaileak diren egile askoren parte-hartzea duena. Aurkezpenak balioko du ingurune lehiakorrari buruz gogoeta egiten laguntzeko, non aholkularitza-enpresak bere jarduera egiten duen, eta trataturiko gaien ikuspegi berezia emango du. Parte-hartzaileak izango dira Ana Camacho, Batz-eko zuzendari nagusia; Bixente Atxa, Mondragon Unibertsitateko errektorea; Asier Vitoria, Gureak-eko zuzendari nagusia; Pili Kaltzada, komunikatzailea, eta Sabin Azua, B+I Strategy-ko bazkide zuzendaria. Beharrezkoa da bertaratzeko asmoa baieztatzea idatziz ([email protected]), telefonoz (94 405 2041) edo formulario honen bidez.
Antolatzailea: B+I Strategy
Ekainaren 18ra arte
ZUMARRAGA ZUEKIN BERRITU 2019. I+G+b EKINTZAK GARATZEKO LAGUNTZAK ETE-EN LEHIAKORTASUNA HOBETZEKO
Deialdi honen helburua da diru-laguntzak emateko prozesua arautzea, Zumarragan 50 langile edo gutxiagorekin dauden enpresen lehiakortasuna hobetzera zuzendutako azterketak/proiektuak egiteko.
Deitzailea: Zumarragako Udala
Ekainaren 18ra arte
Deialdi honen bidez, makro, mikro eta nano eskalan ekai edo materialen teknologian eta ingeniaritzan nazioarteko I+G+b proiektuetan parte hartzeko aukera dute euskal enpresek. Deialdi honek, Eusko Jaurlaritzaren funtsen bidez, ondorengo gai-arloetan garaturiko proiektuak finantzatuko ditu: ingeniaritzarako modelaketa eta ekaien prozesaketa, gainazal berritzaileak, estaldurak eta interfazeak, errendimendu handiko compositeak, ekai funtzionalak, osasunerako aplikazioetan oinarrituriko teknologietan estrategia berriak eta fabrikazio aditiborako ekai edo materialak.
Ekainaren 19an
ETE, startup eta inbertitzaileen arteko hitzordua da: Berrikuntza Irekiaren klabean lankidetza-aukerak aztertzeko elkartu nahi dute, baita enpresetan intraekintzailetza sustatzeko ere. Helburu nagusia zubiak eraikitzea da mundu hauen artean, ez beti ondo konektatuak, dauden ETEetan berrikuntza eta dibertsifikatzea eta startup-etan hazkundea eta garapena errazteko. CITA|Emprendek inspirazio eta lanerako testuingurua errazten du ETE/startup konexioak estimulatzeko eta ezinbesteko beste eragile erabakigarri batzuekin harremanetan jartzeko, adibidez inbertitzaileekin eta ekintzailetza, berrikuntza eta eragiketa korporatiboen profesionalekin.
Antolatzaileak: Adegi eta Diario Vasco
BIND 4.0 OPEN SESSIONS. Tabakaleran. Donostia
Networking jardunaldia, euskal ETEen harremana sustatzeko BIND 4.0-n parte hartzen duten startup-ekin eta berauen konponbide berritzaileekin; horretarako eraldaketa digitaleko proiektuen garapena erraztuko da, berrikuntza irekiko plataforma ahaltsu honen esparruan. Euskal enpresa txiki eta ertainak, startup-ak eta berauen soluziobideak ezagutzeko eta horien arduradunekin elkar eraginean jarduteko interesa dutenak, izango dira bertan. Cita Emprende-ren esparruan egingo da.
Antolatzailea: Spri taldea
Ekainaren 21era arte
BIZKAIA 2019 PROIEKTU SOZIAL BERRITZAILEAK GARATZEKO LAGUNTZAK
Enpresa-proiektu sozial berritzaileak garatu, zehaztu eta martxan jartzeko laguntzak.
Deitzailea: Bizkaiko Foru Aldundia
Uztailaren 15era arte
CERVERA DEIALDIA
Lehentasunezkotzat jotako zenbait teknologia-arlotan merkatura zuzendutako zientzia- eta teknika-ikerketako proiektuak finantzatzeko laguntzak. CDTIk finantzatuko ditu, gehienez 40 milioi eurorekin, bikaintasunezko Teknologia Zentroek eta Teknologia Berrikuntzari Laguntzeko Zentroek, estatu mailakoek, garaturiko ekimenak. Eskaerak aurkezteko epea maiatzaren 31tik uztailaren 15era da eta CDTIren Egoitza Elektronikoaren bidez egin behar da. Cervera lehentasunezko teknologiak 10 arlo handi hauetan batzen dira: material aurreratuak, eko-berrikuntza, energia-trantsizioa, fabrikazio adimenduna, osasunerako teknologiak, elikadura-kate seguru eta osasungarria, deep learning, adimen artifiziala, sare mugikor aurreratuak, garraio adimenduna eta informazioa babestea. Eskaturiko aurrekontuak 2 eta 4 milioi euro artean egon behar du talde bakoitzeko.
Antolatzailea: CDTI
Uztailaren 21era arte
DEIALDIA ZABALIK ZEURE PROIEKTUA AURKEZTEKO VODAFONE BERRIKUNTZA SARIEN XIII. EDIZIOAN
Vodafone España Fundazioak Vodafone Berrikuntza Sarien deialdia ireki du hamahirugarren edizioan. Sari hauen bidez IKTetan berrikuntza-proiektuak bultzatzen ditu zaurgarritasun-egoeran edo gizarte-bazterketan erortzeko arriskuan dauden herritar-sektoreen bizi-kalitatea hobetzeko. Antolatzaileek izaera soziala duten teknologia-proiektuak bilatzen dituzte, 15.000€-rekin eta Bartzelonako MWCn ikusgaitasuna emanez bultzatzeko.
Antolatzailea: Vodafone Fundazioa
Urriaren 31ra arte
ZABALDU 2019 LAGUNTZA-PROGRAMA
Programaren helburua da nazioartekotu gabe dauden enpresei atzerrian duten presentzia handitzen laguntzea eta garapen iraunkorra sustatzea nazioartekotze-prozesuan zehar. Euskadin kokaturik dauden edo ekoizpen-instalazioak hemen dituzten mikroenpresak eta enpresa txiki eta ertainak balia daitezke laguntza hauetaz.
Deitzailea: Spri taldea
Azaroaren 20-21a
Basque Industry 4.0 -The Meeting Point eta Basque Cibersecurity Day. BECen (Barakaldo, Bizkaia)
Industria 4.0-ren eta Zibersegurtasunaren erreferentziazko ekitaldiak Euskadin batu egingo dira aurten eta azaroaren 20an eta 21ean izango dira BECn. Honela, Basque Industry 4.0-k eta Basque Cibersecurity Day-k beren helburuak berrituko dituzte protagonismo handiagoa emanez erakusketa-guneari kontuan izanda euskal industrian duten presentzia esanguratsua, eta Euskadi Europan erreferente gisa finkatzeko helburua mantentzen dute berehalako etorkizunerako funtsezkoak diren bi gaitan: Zibersegurtasunean eta Industria 4.0 delakoan.
Antolatzailea: Eusko Jaurlaritza
Azaroaren 29ra arte
XPANDE DIGITAL PROGRAMA
Programaren helburua da ETEen online kokapena hobetzea merkatu jakin batean marketin digitaleko tresnen bidez, honela beraien nazioarteko estrategia indartzeko. Horretarako, aholkularitza pertsonalizatua ematen da lehiatzeko adimenean oinarrituriko metodologiarekin, xede den merkatuan enpresari Marketin Digitaleko Ekintza Plan bat eskaintzea ahalbidetu diezagun.
Antolatzailea: Bilboko Merkataritza Ganbera
INNOCÁMARAS PROGRAMA: BERRIKUNTZARI LAGUNTZEA ETE-ETAN
Innocámaras Programak, Eskualde Garapenerako Europako Funtsak eta Bizkaiko Foru Aldundiaren Ekonomia eta Lurralde Garapenerako Sailak finantzatuta, ETEen lehiakortasuna hobetzen laguntzea du helburu, horretarako berrikuntza etengabearen aldeko kultura hartuz ekonomiaren hazkunde iraunkorra lortzeko. Eskaerak aurkezteko epea 2019ko azaroaren 29an amaituko da edo aurrekontua agortu arte.
Antolatzaileak: Bilboko Merkataritza Ganbera, CCE, Bizkaiko Foru Aldundiko Ekonomia eta Lurralde Garapenerako Saila, eta FEDER
Deialdi honen bidez, batetik, unibertsitateko ikertzaileen mugikortasunerako jarduerak erraztu eta indartu nahi dira, eta, bestetik, ikerketako emaitzen zabalkundea bultzatu nahi da.
Deitzailea: UPV/EHU
Gauzatu Industria programak bere kudeaketa aldatu du, programen deialdiak baino lehen abiarazitako inbertsioek ere aukera izan dezaten laguntzak jasotzeko. Inbertsioak hasi aurretik aurre-eskaera aurkezteak aukera ematen du, diruz lagundu daitezkeen inbertsio gisa sartzeko, aurre-eskaeraren aurkezpenaren eta, programaren deialdia argitaratu ondoren, eskaera formalaren artean egiten direnak.
Deitzaileak: Eusko Jaurlaritza eta Spri taldea
