2014an hainbat ekitaldi egin dira Innobasquek eta beste askok antolatuta, eta horietan parte hartu da Euskadi Europan erreferente bihurtzeko berrikuntzaren arloan. Flickr-eko galerian ekitaldi horien guztien argazkiak daude bilduta eta aurtengo jarduera hobekien laburtzen duten 12 irudiak aukeratu dira.
Global Innovation Day
2.000 pertsonak baino gehiagok konektatu dute berrikuntzaren eskaintza eta eskariarekin, 21 lantegi, 38 erakusketa-txoko eta 5 hitzaldi-panelen bidez honako gai hauen inguruan: teknologia disruptiboen (Google Glass) negozio-aukerak, berrikuntzaren finantzaketa, berrikuntza-gaitasuna, enpresaren gizarte-erantzukizuna eta etorkizunari aurreratzea erabaki-hartze burutsuaren bidez.
European Social Innovation Competition
Europako Batzordeak Gizarte Berrikuntzako Europar Lehiaketaren bigarren edizioa antolatu du izan ere, enplegua sortzeko gizarte-ekintzailetzako proposamen berritzaileen bidez irtenbiderik onenak bilatu nahi dira egungo testuinguru sozio-ekonomikoan, non 27 milioi langabe baitaude Europako Batasunean. Lehiaketa honen bigarren etapa martxoaren 3, 4 eta 5ean gauzatu zen Bilbon, anfitrioietako bat Brusela, Londres eta Milanekin batera.
TraininnLAB
Berrikuntza-tailerra 12-16 urte arteko gazteentzat, non trebetasunak lantzen baitira: sormena, talde-lana, prototipatua, komunikazioa eta kontakizun digitala.
Cleantech Now!
Innobasqueko Berrikuntza Eskolaren parte da eta gazteak teknologia garbietan murgildu nahi ditu, Euskadin hazteko eta enplegua sortzeko ahalmen handia duen industria baita, 25.000 enpleguraino 2020ra arte.
Innobasque Exchange
Berrikuntzaren Euskal Agentziako bazkideen eta bazkideentzako lankidetzazko berrikuntza-ekinbidea, berrikuntza egiteko lankidetzaren erronka gainditzen laguntzen diena.
Batzarra. Innobasque Zuzendaritza Batzordea
Iñigo Urkullu Eusko Jaurlaritzako Lehendakaria eta Innobasqueko ohorezko presidenteak VII. Batzar Nagusia ireki du; bertan, Alberto García Erauzkin Innobasqueko presidenteak esan du “Euskadin, Espainian eta nazioartean aitorturiko errealitate bat dela” agentzia, “lehentasun estrategiko baten ─berrikuntzaren─ alde” lan egiten duena eta 27 herrialdetako 64 nazioarteko nodorekin konektaturik dagoena.
Brunch & Learn
Ikasteko gune partekatu honetan esperientziak, ezagutza, ideiak, teknikak, metodologiak… transmititzen dira, Innobasqueko bazkideen artean aukerak sortzea sustatzeko.
Innobasqueren astearteak
Hileroko hitzordu honekin Innobasquek berrikuntzaren protagonistei dei egiten die dibulgazio-foro ireki batera, euskal berrikuntza jendearen, erakundeen eta hedabideen begiradapean jartzeko.
Zientzia, teknologia eta berrikuntzaren astea
Hamar urte baino gehiago dira Zientzia, Teknologia eta Berrikuntzaren Astea ospatzen dela Euskadin. Zientzia, teknologia eta berrikuntzaren gizarte-komunikazio arloan Euskadin egiten den ekitaldirik handiena da Astea, gizartean zientziaren kultura eta zientzia- eta teknologia bokazioak sustatzen laguntzen duena.
FLL Euskadi
Nazioarteko lehiaketa da, kirol-ekitaldi baten formatua duena, 10-16 urte arteko ikasleen artean zientzia- eta teknologia-bokazioak, espiritu sortzailea eta berrikuntza sustatzeko.
